واٹس ایپ کاصارفین کوایک اوربڑی سہولت دینے کااعلان

واٹس ایپ اینی میٹڈGIFs بھیجنے اور وصول کرنے کی سہولت متعارف کرائے گا

واٹس ایپ نے اعلان کیا ہے کہ وہ مستبقل میں اینی میٹڈ گف GIFs بھیجنے اور وصول کرنے کی سہولت متعارف کرائے گا۔

واٹس ایپ کے آفیشل ٹویٹر اکاؤنٹ پر کہا گیا ہےکہ اگلے آئی او ایس کی ریلیز میں ’’گفس‘‘ بھیجنے اور وصول کرنے کی سہولت موجود ہوگی۔ واٹس ایپ کی جانب سے اس سہولت کا ایک عرصے سے انتظار کیا جاتا رہا تھا لیکن اس سے قبل فیس بک نے اپنے میسنجر اور اس سال فروری میں ٹویٹر کی جانب سے گفس اور اینی میشن بھیجنے اور وصول کرنے کے آپشن کے بعد واٹس ایپ نے بھی اس سہولت کا اعلان کردیا ہے۔

واٹس اپ نے کہا ہے کہ اب تک ان کی ایپ سے لوگ 10 کروڑ گفس شیئر کرچکے ہیں جن میں تمام موضوعات شامل تھے اورصارفین نے اپنے موڈ سے لے کر پسندیدہ کھانوں تک قریباً ہر شے کے متعلق گفس بھیجیں اور وصول کیں۔ واٹس ایپ جلد ہی گفس کے آٹوپلے، براہِ راست جوابات، شیئر اور ایمبیڈ کرنے جیسے آپشن فراہم کرے گا۔

واضح رہے کہ واٹس ایپ گزشتہ ماہ اپنا ڈیسک ٹاپ ورژن بھی پیش کرچکا ہے۔

تبصرے

  • اس پوسٹ پر تبصرے نہیں ہیں!