سانحہ کوئٹہ:چیف جسٹس نے ازخود نوٹس لے لیا

چیف جسٹس کا سانحہ کوئٹہ پر از خود نوٹس، سماعت 20 ستمبر کو ہوگی

چیف جسٹس آف پاکستان جسٹس انور ظہیر جمالی نے سانحہ کوئٹہ پر ازخود نوٹس لیتے ہوئے سماعت 20 ستمبر کو مقرر کرنے کا حکم دیا ہے۔

تفصیلات کے مطابق چیف جسٹس پاکستان انور ظہیر جمالی نے سانحہ کوئٹہ پر ازخود نوٹس لیتے ہوئے رجسٹرار آفس کو واقعہ کی تفصیلات اکٹھی کرنے کی ہدایت کی ہیں جب کہ کیس کی سماعت 20 ستمبر کو مقرر کرنے کا حکم دیا ہے۔ کیس کی سماعت کے لیے اٹارنی جنرل اور آئی جی بلوچستان کو بھی نوٹس جاری کیے جائیں گے۔

واضح رہے کہ 8 اگست کو دہشت گردوں نے بلوچستان بار ایسوسی ایشن کے صدر کی ٹارگٹ کلنگ کے بعد اس وقت سول اسپتال میں خودکش دھماکا کیا تھا جب وکلا کی بڑی تعداد وہاں موجود تھی جس میں 73 افراد جاں بحق ہوگئے تھے ، وکلا نے چیف جسٹس سے ازخود نوٹس لینے کا مطالبہ کیا تھا۔

تبصرے

  • اس پوسٹ پر تبصرے نہیں ہیں!